Автор: Жан Илиќ

На ден 10ти Октомври по повод државниот празник 11ти Октомври за прв пат ја организираме планинарската тура , кружна прошетка околу долината на Тресонче. Се надеваме дека од оваа година ќе прерасне во убава Октомвриска традиција на нашето село Тресонче. Патеката ќе се движи по шумските патеки на нашите предци, патишта по кои тие работеле, живееле и се движеле секојдневно. Ќе ги посетиме месностите Сечен Камен, Змејовица, Змејово Чардаче, Изворот на Тресонечка Река, Гуменце, Брзовец и преку Присој ќе се вратиме во Тресонче на Леништа. Овие за нас, од кажувања топоними и локации, беа до скоро обраснати , непроодни и препуштени на забот на времето, но еве, денес ги имаме сите патеки до нив исчистени, маркирани, проодни и ни ја прикажуваат убавината на нашата Тресонечка Долина во полн сјај.

11 октомвриска тура – Жан

Патеката на движење е безбедна и спаѓа во класата на Средна тежина и се надеваме дека Тресончани и драгите пријатели и љубители на планинарењето ќе дојдат на незаборавна прошетка во голем број. ДЕТАЛИ за турата: почеток : 09ч на Леништа (собирот е во 08:45!) должина : 17км вкупна висинска разлика : 1390м (uphill) максимална нмв : 1590м (Гуменце) минимална нмв : 1006м (Леништа) Вкупно времетраење: околу 6.5 ч (со пауза за оброк) ОСНОВНИ ПРЕПОРАКИ: . планинарски обувки . еден лесен оброк по учесник . сад/термос за вода . соодветна облека /види метео прогноза . препорачано е за деца над 14г. Турата ќе има т.н. познавачи на теренот – водичи, 2 до 3 лица представници на З.Г. Брзовец кои ќе се грижат за правецот и тајмингот како и за почитување на препораките . Мерките за заштита од Ковид 19 ќе бидат истакнати на видно место. Ве очекуваме на 10ти Октомври на Леништа! Здружение на Граѓани “Брзовец“