Од 18.30 часот на патниот правец крак Маврово-Дебар воведена е забрана на движење за сите моторни возила, во двата правци.Од полицијата објаснуват дека забраната е поради сложените временски услови во регионот, паднати смрзнати дрвја и гранки на коловозите, како и потенцијалната опасност од паѓање на други дрвја.

„Во тек е отстранување на стеблата, што ќе продолжи и утре со учество на екипи на „Македонија пат“. Општина Маврово и Ростуше, НП Маврово и ОВР Гостивар имаат поставено неколку пунктови за практично спроведување на забраната, кои го регулираат одвивањето на сообраќајот“, соопшти полицијата.

Од АМСМ информираа дека на останатите патишта во земјава,  сообраќајот се одвива непречено по влажни коловози. Поради појава на магла видливоста е намалена од 50-100м на планинските превои Стража, Ѓавато и Пресека-пренесува gostivarpress.mk