Во организација на Велосипедска Федерација на Македонија, В.К. “ЕНЕРЏИ“ и З.Г. “Брзовец“, како и подршка на Општина Маврово -Ростуше , на 27ми Септември Недела на кружната патека низ Тресонче ќе се одржи Државното Првенство во Планински Велосипедизам ХСО “Тресонче 2020“ Трката е за бодови и пласман на листата на ВФМ и ќе се одржи на веќе познатата патека низ Тресонче кое е веќе е влезено во календарот на Велосипедската Федерација втора година по ред.

Селекторот на македонската репрезентација и велосипедист Љубиша Кондев посочува дека оваа трка е со посебно значање заради титулата ,,државен првак“ која ќе ја добијат најуспешните во секоја категорија на натпреварувачи, а која го претставува највисокото достигнување на еден спортист во текот на годината.

Патеката во Тресонче е специфична заради тоа што се протега низ атарот на селото, низ природни предели кои се исклучително живописни, низ технички искачувања и препреки, карпи и потоци кои бараат подготвеност од страна на велосипедистите, но во исто време пружаат и можност за уживање за време на трката, изјави Кондов.

 

Со оглед на очекуваните активности , локалниот пристапен пат ќе биде затворен за сообраќај на моторни возила од 12ч до 14ч истиот ден. Се молат локалните жители како и посетителите кои планираат да го посетат селото следниот викенд, да го земат ова во предвид. Возилата ќе може да се паркираат на влезот во Тресонче. Трката е локална и пригодна за гледачи и навивачи и очекуваме да има поголем прилив на посетители.

На крајот на трката, ќе бидат поделени медалите за најдобрите и ќе биде организирана закуска за натпреварувачите.

Поздрав за Тресончани и пријателите и покана да присуствуваат и да го погледаат овој извонреден спортски настан.

За време на настанот ќе бидат применети сите анти-Ковид мерки и заштита во согласност со законските одредби и препораки од Министерството за Здравство .